No ronn 95 Minutten konnt sech den FCS duerch en 2-1 Succès géint den direkte Konkurrent aus Miersch duerchsetzen an domadder dräi ganz wichteg Punkten an der Lutte ëm de Maintien sécheren.

No engen éischte 45. Minutten wou keng vun denen zwou Formatiounen opgrond vum schlechten Zoustand vum Terrain keng spilleresch Aktzeter setze konnt goufen d'Säiten mat engen 0-0 gewiesselt. Den FCS hat just duerch de Benjamin Besic an der 9. Minutt eng geféierlech Goalaktioun an hat Gléck datt e Mierscher Stiermer an der 38. Minutt just de Potto getraff hat.

Nom Säitewiessel haten d'Spiller vum FCS den Drock op d'Mierscher Defense ze erhéichen an haten bannescht 5 Minutte gläich dräi ganz gutt Aktiounen zur Féierung awer entweder hat déi néideg Prezisioun oder eben d'Chance gefehlt

Et sollt awer Miersch sinn déi den éischte Goal schéisse sollten an zwar no engem Fräistouss kruten eis Spiller ewéi esou dacks an de lëschte Matcher de Ball net degagéiert an no engem Gestochers hat de Rodrigues aus 5 Meter markéiert!

Nëmme knapps 5 Minutte méi spéit sollt no engem Fräistouss de Michaël Garos um éischte Potto de Ball vum Mehdi Kirch onhaltbar zum Ausgläich erakäppen.

An der 78. Minutt hat de selwechte Michaël Garos mat enger wonnerschéiner Pass an d'Schnëttstell vun der Mierscher Defense de Jonathan Hennetier lancéiert dee mam Ball um Fouss an de Strofraum eragezu war an dem Mierscher Goalkeeper keng Chance gelooss hat an d'Féierung markéiere konnt.

Keng 5 Minutte méi spéit hate mir vill Gléck datt de Rodrigues de Ball komplett fräi aus 7 Meter laanscht de Gol geschoss hat

Et sollt awer nach bis zur 95. Minutt dauere wou de ganz gudden Arbitter de Match ofgepaff hat a mir dës immens wichteg 3 Punkten zu Schëffleng hale konnten.

Mann vum Match war ouni Zweiwel de Michaël Garos de ganz grouss opgetratt war.

Nächste Rendezvous-Vous ass e Sonnden drop zu Stroossen déi bäim Racing 2-1 ënnerleeë waren a wou mir drop aus si weider wichteg Punkte fir de Maintien an der BGL ze erspillen.

Allez Schëffleng.